(ФОТО) Пожарот во Крива Паланка однесе човечки живот и остави огромни штети зад себе

Тежок ден е зад Територијалната противпожарна единица (ТППЕ) Крива Паланка, која се соочи со голем и брзоширечки пожар во атарот на Крива Паланка. Пожарот, кој избувна на 9 јули околу пладне во село Градец (Долен Градец), брзо се прошири поради силниот ветер и загрози повеќе населени места, вклучувајќи ги село Лозаново и населбите Бегови Бавчи и Мизовски Ливади.

Од ТППЕ Крива Паланка соопштија дека веднаш по пријавата, на терен излегле едно противпожарно возило и тројца пожарникари. Меѓутоа, поради брзото ширење на пожарот, по наредба на командирот Иле Коцевски, за кратко време биле мобилизирани целокупните човечки ресурси и целиот возен парк на единицата. Интервенирано е на најкритичните точки со 7 противпожарни возила и 17 пожарникари.

За жал, пожарот кој ги зафати териториите на селата Градец и Лозаново, однесе и една човечка жртва. Покрај тоа, изгорени се неколку куќи и помошни објекти, пчеларници, овоштарници и голема површина на дабово-борова и багремова шума со ниска вегетација.

Од ТППЕ Крива Паланка изразија длабока благодарност за несебичната помош во гаснењето на пожарот до:

• Градоначалникот на Општина Крива Паланка, Сашко Митовски, и Општина Крива Паланка

• Регионалните служби за пожарна безбедност и заштита на населението од Ќустендил и Софија (Бугарија)

• Територијалните противпожарни единици од Струмица и Кавадарци

• Министерството за внатрешни работи Крива Паланка

• Министерството за одбрана на РМ

• ЈП Национални Шуми ПШС Осогово Крива Паланка

• ЈП Комуналец Крива Паланка

• ОО Црвен Крст Крива Паланка

• Off-road Osogovo Kriva Palanka

• Дирекција за заштита и спасување ПО Крива Паланка

• Рудник Тораница

• Сепарација Дине Трејд

• Жути Пласт

• Месарница Алка

• Трново -М

• Локалното население, сите доброволци и општествено одговорни компании кои биле „рамо до рамо“ со нив.

„НИКОГАШ ДА НЕ СЕ ПОВТОРИ“, порачаа од ТППЕ Крива Паланка.