Домот за среќа украсете го со бадникови гранчиња - ова е нивното значење

Бадник, големиот празник пред Божиќ, е ден кој секој треба да го помине со семејството, да јаде од посната трпеза и да крши леб со паричка која се смета дека носи здравје, среќа и бериќет во текот на целата година.

За Бадник традиционално домот се украсува со бадниково гранче. Неизбежниот симбол на Бадник го симболизира здравјето, го слави животот и вечната среќа.

Според народните верувања, токму со ова дрво праведниот Јосиф запалил оган за да го затопли штотуку родениот Исус и неговата мајка Марија.