Северина напиша отворено писмо за својот син: „Знаеш сине, тоа се само хартии кои некој ги испишал, прости им“

Пејачката Северина Којиќ се огласи на Инстаграм по повод пресудата која е донесена врз основа на која старателството над нејзиниот син Александар е доделено на Милан Поповиќ.

Пејачката под објавата на која е нејзината фотографија со синот напишала емотивен текст и конечно си ја отворила душата за тешката ситуација која ѝ се случила.

„Знаеш сине, тоа се само хартии кои некој ги испишал и постојат некои букви кои некој ги напишал во зборови, кои не вредат за нас двајца. Не одземаа еден од друг физички, но тоа е се што можеа. После седум години сега ми даваат да те гледам 88 часа неделно. Хеј, па тоа се сепак 88 часа. Можеше и помалку, се можеа и сетоа тоа го направија за да не повредат. Но, знаеп што се можеме ние, за тие 88 часа? Можеме чуда. Ми дадоа два пати месечно да можам да преспијам со тебе и да те успијам...Хеј, колку можеме да си поприкажеме за тие две вечери, они не можат ни да замислат. Сите други вечери мама ќе те замислува. Затоа што ти се претвораш во секоја моја мисла и секоја моја мисла се претвора во тебе. Можат некои странци да те забранат, но не можат да ми забранат да те сакам, да мислам на тебе секоја секунда. Ова е сине, само лош сон и мама ветува дека брзо ќе се разбудиме. Повторно ќе се успиваме секоја вечер, а за тоа ќе одлучи „господинот време“. До тогаш, мама е секогаш со тебе и ова брзо ќе помине сине. Прости ми што не стигнав да ти објаснам што се случи вчера, имавме многу поважни работи...Гледавме „Toy story 4",  па печевме палачинки, па си игравме зоолошка...Не беше време за тага, ни за објаснување...Морав да те однесам...Одевме со насмевка...Тие чудни зборови кои постојат само на хартија, но не и во реалноста, ги напиша една тетка која не знае кои сме ние и која си игра со нас...Тетката е на повисоко нив на играта. Вовела нови правила во играта наречена „хрватско правосудие“. Ние не се надевавме на ова, не ги знаевме правилата.Тоа се нејзини правила, нивни, не наши. Само ти биди ми добро и се ќе биде добро. Мама е добро, Робине мој, твојот Бетмен те чека. И прости им сине, затоа што навистина не знаат што прават“, напишала пејачката.

Многумина се расплакале после читањето на оваа емотивна порака.