Значи ли ова дека е крај- Меган се појави без бурма на раката (ФОТО)

После објавата на Меган Маркл и прицнот Хари дека се повлекуваат од кралските должности, бурата во британските, но и светските медиуми не стивнува.

Имено, Меган и Хари објавија писмо во кое наведуваат дека се повлекуваат од јавниот живот и дека сакаат финансиски да се осамостојат.

„После неколкумесечното размислување и интерни расправи, одлучивме оваа година да направиме промена и да се обидеме да создадеме нова прогресивна улога во оваа институција. Сакаме да се повлечеме како постари членови на кралското семејство и да работиме на тоа да бидеме финансиски независни додека континуирано и во целост го поддржуваме Нејзиното Кралско Височество“, пишува во соопштението на војводата и војвотката од Сасекс.

Писмото го потресе кралското семејство, но и целата јавност.

Но, уште поголем хаос предизвика фотографијата на Меган Маркл, која само неколку часа откако го објавија соопштението, се прошетала низ Лондон, отишла во театар, а сите забележале дека на раката не ја носела бурмата.

Многумина вчерашните случувања и фактот дека Меган не ја носи бурмата, ги опишале како почеток на крајот.