Ројтерс: ЕЦБ нема да ги менува каматните стапки

Европската централна банка (ЕЦБ) најверојатно ќе ја задржи сегашната референтна каматна стапка на нивото од 2 проценти и на септемврискиот состанок, јавува „Ројтерс“

Претседателката на ЕЦБ, Кристин Лагард, уште во јули порача дека институцијата е „на добро место“ по циклусот на намалување на каматите, додавајќи дека сегашната политика е соодветна за економските услови.

Сепак, според извори од банката, доколку економијата на еврозоната покаже знаци на посериозно забавување, можно е дискусиите за ново намалување на каматните стапки да бидат отворени повторно во текот на есента.