Семејството на Фросина бара правда - најавен протест за денеска

Ден откако возачот Васил Јованов беше осуден на казна затвор за прегазувањето на Фросина Кулакова, семејството на жртвата повика на протест.

Протестот е закажан за во 17.00 часот на местото каде Кулакова беше прегазена, односно на пешачкиот премин спроти Универзална сала во Скопје.

Семејството на Фросина, како и граѓаните жестоко реагираа на донесената пресуда барајќи построга казна, иако според одредени адвокати, казната за Јованов е највисока изречена казна до сега за такво дело.