Трагедија на познат грчки остров: големи бранови однесоа млад човек

Триесетгодишниот Стефанос Кемос од Трикала трагично го загуби животот во брановите на Јонското Море на плажата Катисма во Лефкада, само неколку недели пред неговата свадба.

Според извештајот на локалниот портал ilefkada.gr, Стефанос се обидел да плива во многу опасни услови, додека огромни бранови го удирале брегот. Морето го одвлекло и покрај напорите на спасувачите и присутните капачи, вклучувајќи го заменик-градоначалникот на Лефкада и пожарникарот Никос Лазарис. Според написите до него не било можно да се стигне на време. Брановите го однеле до крајот на плажата, каде што подоцна било пронајдено и извлечено неговото безживотно тело.

Во моментот на несреќата, дувал силен ветер, а според извештаите претходно било издадено предупредување за неповолни услови. Ова не е прв пат да се случи несреќа на Катисма, која е позната по своите чести силни бранови, пишува Грчкаинфо.

Припадници на крајбрежната стража, службите за итни случаи (EKAB) и пожарникарите веднаш реагираа на плажата, но Стефанос веќе беше без знаци на живот кога пристигна во болницата во Лефкада, пренесуваат тамошните медиуми.

Трагедијата е дополнително усложнета од фактот дека Стефанос бил на Лефкада со пријатели а планирал свадба за 14 јуни со својата избраничка, додека таа била во исто време со своите пријателки на друг остров, подготвувајќи се за својата моминска забава.

Според локалните медиуми, тој бил познат како вреден и скромен млад човек од угледно семејство.