Мицкоски: Посветеноста на евроинтеграциите ќе се засили

Премиерот Христијан Мицкоски денеска, на заедничката прес-конференција со претседателот на Европскиот совет Антонио Кошта, истакна дека посетата на Кошта на Скопје е потврда за дипломатската соработка и интерес за интеграција на Западен Балкан во ЕУ.

Мицкоски нагласи дека во новата етапа, кога граѓаните ја довериле одговорноста на новата Влада, негова обврска е да зборува отворено и искрено, поради должноста кон народот и европската идеја.

Тој додаде дека посветеноста на евроинтеграциите ќе се засили, бидејќи иднината на македонските граѓани е во европското семејство.