ВМРО-ДПМНЕ: СДСМ без ни малку човечност и сочуство, безглаво се впушти во некрофилска хајка

СДСМ повторно го проби дното. Уште еднаш, како и многупати досега, без нималку човечност и сочуство, безглаво се впушти во некрофилска хајка злоупотребувајќи трагични несреќи во политички цели. Мизерно, но вообичаено за СДСМ, се вели реакција од ВМРО-ДПМНЕ на соопштението на СДСМ во врска со синоќнешната сообраќајна несреќа.

-СДСМ го злоупотребуваше и Диво Насеље, се потсмеваше со полициските службеници кои гинеа за Македонија. Заев и Оливер Спасовски се фотографираа и смешкаа на местото каде што еден ден претходно македонските херои ги загубија своите животи. Ги повикуваме надлежните органи да постапат согласно законот како и при секоја сообраќајна несреќа, велат од ВМРО-ДПМНЕ.