Карлеуша ги загрижи сите: Каде замина неколку минути по погребот на мајка си

Радио водителката Дивна Карлеуша вчера беше погребана во Белград, а сцените од погребот беа потресни за целиот регион. Нејзината ќерка Јелена на момент го прегрна ковчегот, а потоа долго го бакнуваше.

И ден по погребот на нејзината мајка таа е во многу лоша состојба, пренесуваат српските медиуми.

По погребот пејачката веднаш била однесена дома во семејниот дом на Дедиње, а како што тврдат пријатели на пејачката таа е во многу лоша психичка состојба и не може да ја преброди нејзината смрт.

Пријателите велат дека Јелена ништо не јаде, ниту пак спие, а и нон стоп плаче или гледа во една точка. Сите се загрижени за нејзиното здравје кое во моментов е нарушено, пренесуваат српските медиуми.

Инаку фановите се запрашуваат и зошто пејачката веднаш по погребот замина во автомобилот и дома, наместо да руча во чест на нејзината мајка со луѓето кои беа на погребот.