Музичката ѕвезда откри дека боледува од ретка болест- Сиа постојано трпи болки

Австралиската поп ѕвезда Сиа откри во објавата на социјалните мрежи дека боледува од ретка невролошка болест , поради што страда од хронични болки.

Пејачката и кантавторка напиша на Твитер дека има синдром Ехлер-Данлос (ЕДС), ретка наследна колагенска болест која се карактеризира со прекумерна подвижност на зглобовите, прекумерно истегнување на кожата и крутос на сите ткива. Може да предизвика силна болка во зглобовите и екстремен умор, јавува Би-Би-Си.

Сија (43) е позната по тоа што не открива премногу детали за нејзиниот личен живот, а редовно го крие лицето под необични перики и додатоци. Покрај тоа што пее голем број хитови, таа има напишано песни за Ријана, Бијонсе, Кети Пери и Адел, што се најдоа на топ листите.

– Само сакам да им кажам на сите што страдаат од болка, без разлика дали е физичка или емотивна, ве сакам, не се откажувајте! Болката е деморализирачка, но вие не сте сами – напиша таа на Твитер.

Според британската Национална здравствена организација, постојат три типа на EDS и додека некои може да бидат благи, некои може да доведат до инвалидитет.

Сиа веќе зборуваше јавно за зависноста од алкохол и лекови против болки, но минатата година на социјалните мрежи откри дека е трезна веќе осум години.

Hey, I'm suffering with chronic pain, a neurological disease, ehlers danlos and I just wanted to say to those of you suffering from pain, whether physical or emotional, I love you, keep going. Life is fucking hard. Pain is demoralizing, and you're not alone.

— sia (@Sia) October 4, 2019