Перински ќе претстави активности за воспостување ресурсен центар за поддршка на општините

Министерот за локална самоуправа, Златко Перински, денеска во Владата ќе претстави активности за воспоставување ресурсен центар за поддршка на општините.

Центарот треба да биде конципиран како институционален механизам кој ќе овозможи долгорочна, одржлива и стручна поддршка за општините, преку обезбедување специјализирани услуги во областа на административниот менаџмент, планирањето на локалниот и регионалниот стратешки развој, подготовка на техничка документација и капитално планирање, финансиското планирање и управување, техничка експертиза, јакнење на меѓуопштинската соработка, подготовка на проектни апликации и искористување на средства од меѓународни фондови.