Премиерот за интерпелацијата на Коцевски: Не манувам ставови преку ноќ

Премиерот Христијан Мицкоски вели дека неговата партија и тој како човек не ги менуваат ставовите преку ноќ, одговарајќи на новинарско прашање дали пратеничката група на ВМРО-ДПМНЕ ќе ја поддржи интерпелацијата на државниот јавен обвинител Љупчо Коцевски закажана за утре, 29 јули во Собранието, а која на крајот на јуни годинава ја поднесе шестчлената пратеничка група на Левица.

„Јавноста ќе види утре, но ние како политичка партија и јас како човек не ги менувам ставовите преку ноќ“, рече Мицкоски во изјава за медиумите по отворање на базен во ООУ „Невена Георгиева-Дуња“ во скопската општина Кисела Вода.

Собраниската расправа за интерпелацијата за работата на државниот јавен обвинител Љупчо Коцевски е една од точките на предлог-дневниот ред за утрешната 64. пленарна седница, претпоследна пред пратениците да заминат на одмор на почетокот на август.