Трамп ја укина заштитата на Тајната служба за Камала Харис

Претседателот на САД, Доналд Трамп, издаде наредба за прекин на обезбедувањето од Тајната служба за некогашната потпретседателка и кандидатка за претседател од Демократската партија, Камала Харис, објавуваат американските медиуми.

По завршувањето на нејзиниот мандат, Харис имаше шестмесечна заштита која требаше да биде продолжена според уредба потпишана од нејзиниот партиски сојузник и поранешен претседател, Џо Бајден, пред да ја напушти Белата куќа.

Одлуката на Трамп ја става вон сила таа уредба.

Во документот, кој почнува да важи на 1 септември 2025 година, експлицитно се посочува дека се укинуваат сите безбедносни мерки кои не се законски обврзувачки, а се однесуваат на поранешната потпретседателка.