(ВИДЕО) Иран ги нападна американските бази во Катар: Експлозии над Доха, активирани сирени

Иран ги нападна американските воени бази во Катар, пренесува „Аксиос“. Американските претставници претходно денес изјавија дека се очекува напад врз американските воени бази на Блискиот Исток во рок од 48 часа.

Иранската државна телевизија го објави почетокот на операцијата на Иран „Добра вест за победа“ против американските сили во воздухопловната база Ал-Удеид во Катар, објави „Иран Интернешнл“.

„Скај њуз“ објави дека експлозии во моментов се слушаат над главниот град на Катар.

Веста ја пренесува и „Аксиос“, кој тврди дека 6 балистички ракети биле испукани од Иран кон Катар.

Како што пишува и британски „Гардијан“, експлозии беа пријавени во Доха, главниот град на Катар.

Претходно во текот на денот, оваа земја го затвори воздушниот сообраќај, а американската и британската амбасада ги известија своите граѓани да ја напуштат оваа земја, а сирените за воздушниот сообраќај беа активирани и во Ирак во воената база Аин ал-Асад, објавува и „Гардијан“.

Multiple interceptors seen leaving Qatar during the Iranian ballistic missile attack against U.S. Al Udeid Air Base. pic.twitter.com/z8QMsjE67W

— OSINTdefender (@sentdefender) June 23, 2025