Мајли Сајрус: Немам потреба да станам мајка

Американската пејачка Мајли Сајрус неодамна отворено проговори за својот став кон родителството, а нејзината изјава предизвика бројни реакции на социјалните мрежи, особено кај оние кои го делат истото мислење.

Имено, во разговор за подкастот „The Interview“ објавен од „New York Times“, Мајли искрено ги сподели своите мисли за својот приватен живот, притисоците на општеството и нејзината одлука да не се гледа себеси како мајка, барем засега.

Мајли нагласи дека во моментов нема желба за деца и дека тоа не го гледа како нешто што природно ѝ одговара. Во интервјуто, таа се осврна на разговорот што го водела со нејзиниот очув, каде што разговарале за деловните можности и животните избори. Кога ја прашал зошто нема своја линија козметика, пејачката едноставно одговорила: „Затоа што не ме интересира“.

Додала дека се чувствува исто кога станува збор за мајчинството.

-Немам потреба да станам мајка. Тоа е огромна одговорност, бара неверојатна посветеност и жртви. Ако тоа не е ваша страст, тешко е да се замисли како можете да издржите сè што подразбира родителството – бессони ноќи, постојана грижа и години жртва, искрено рече Сајрус.

Нејзиното мислење беше поддржано од многу корисници на социјалните мрежи, особено на Reddit, каде што многумина ја пофалија нејзината искреност и рационален пристап.