Денес е најголем хит - Дино Мерлин напишал една од неговите песни кога жена му се криела од роднините

Еден од најголемите хитови на Дино Мерлин крие една прекрасна приказна за неговата некогаш забранета љубов, а денеска негова сопруга, Амела. Се работи за песната „Кад си рекла да ме волиш“ и ѝ е посветена токму нејзе, која кога ја запознал, му била забранета и недостижна. Всушност, голем број од неговите песни ѝ се посветени токму нејзе.

Тие се сакале неколку години, а потоа тајно се венчале. Дури и им било страв некој да не открие за нивната венчавка, да дојде и да ја расипе. На венчавката кај матичарот бил само кумот на Мерлин и сестрата на Амела, а постојано гледале во вратата од страв некој да не дојде. По венчавката, отишле на патување во Дубровник, а кога се вратиле живееле кај неговата мајка. Нејзините родители со години не им зборувале, но денеска се смирени и уживаат во хармоничен семеен однос.

Во моментите кога парот бил разделен и се криеле од своите роднини, за кои и ден-денес не се знае зошто ја забранувале оваа љубов, во момент на инспирација, Мерлин ја напишал „Кад си рекла да ме волиш“.