Бизнисменот Ристо Крмзов оди во притвор
Бизнисменот Ристо Крмзов е осуден на 30-дневен притвор, потврди за „Скопје1“ неговиот бранител, Ване Андреев. Крмзов од Кривичниот суд ќе биде спроведен во истражниот затвор „Скопје“ во Шутка. Мерката е одредена поради опасност од бегство, влијание на сведоци и можност да го повтори делото.
Адвокатот Андреев смета дека оваа мерка е нелогична, со оглед на тоа што неговиот клиент досега бил под други мерки – одземена патна исправа и задолжително јавување во суд – кои ги почитувал една година.
„Оваа мерка нема логика, тој и досега беше под мерки, со одземена патна исправа и со јавување во суд. Една година како му се изречени тие мерки. Ги нема прекршено, плус има платено данок, а сега се изрекува притвор“, изјави адвокатот на Крмзов за „Скопје1“.
Андреев најави дека ќе поднесе жалба до Кривичниот совет.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
