Пожар во прилепско: Изгоре штала и три домашни животни, повреден е и малолетник

Вчера во 21.27 часот во Полициското одделение Ропотово било пријавено дека во с.Дреновци, прилепско, настанал пожар во штала сопственост на П.В.(67). Пожарот бил изгаснат од Територијалната противпожарна единица Прилеп, а со повреди се здобил малолетник од с.Дреновци, прилепско, констатирани во Градската општа болница Прилеп.

Исто така, во пожарот изгореле три домашни животни.

Извршен е увид и се преземаат мерки за расчистување на настанот.