Направил лажен профил и ставал фотографии од девојки со сексистички текстови, уапсен гостиварец
Секторот за компјутерски криминал при МВР поднесе кривична пријава против 27-годишниот К.Н. од Гостивар, осомничен за злоупотреба на лични податоци преку лажен профил на социјалната мрежа Инстаграм.
Како што соопштуват од Министерството за внатрешни работи, по неколкумесечна истрага, полицијата утврдила дека на 28 февруари 2025 година, осомничениот креирал лажен профил на Инстаграм и објавил фотографии од шест девојки од Гостивар, кои ги прибавил без нивна согласност од нивни приватни профили. Објавите биле придружени со навредливи и сексистички текстови.
По добиени податоци и преземени истражни мерки, К.Н. бил повикан на службен разговор во Полициската станица Карпош, каде го признал делото. Против него е поднесена кривична пријава до Основното јавно обвинителство Скопје за кривично дело „злоупотреба на лични податоци“ по член 149 од Кривичниот законик.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
