Стјуардеса открива што прават богаташите на приватните летови - ова се нивните барања
За разлика од стјуардесите во патничките авиони, оние кои работат во приватните мораат на своите патници да им ги исполнуваат сите барања, па најчесто мораат да работат повеќе од своите колеги.
Често мораат да знаат да направат коктели, да наликуваат на асистентки, а сето тоа во комбинација со чистење и подготвување на авионот, па дури треба да ги четкаат и домашните миленичиња.
Кимберли Бентон ја работи оваа работа скоро 10 години, а веќе 14 пати го поминала светот и летала во 27 различни бизнис авиони.
-Патниците очекуваат точно да знаете што сакаат, штом ќе влезат во авионот да ги дочека нивниот омилен пијалок, нивните омилени весници, а потоа јадењето, а сето тоа да им го сервирате кога точно ќе посакаат - вели таа.
На небо се организирале и роденденски забави, како и забави на поп ѕвезди со кои летала за време на нивните концертни турнеи.
-Мораме да внимаваме да не им дозволиме премногу да испијат, а во исто време да не им ја расипеме забавата, па вистинска уметност е да се знае да се направи рамнотежа. Мораме постојано да мислиме и да бидеме сигурни дека гостите ќе имаат се што сакаат - вели таа.
Додава дека ВИП стјуардеса е многу тешка работа и дека е потребно многу жртвување.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
