Почина модниот дизајнер Џорџо Армани
Италијанскиот моден дизајнер Џорџо Армани почина, објави компанијата.
„Со огромна тага, групацијата Армани ја објавува смртта на својот творец, основач и неуморна движечка сила: Џорџо Армани“, се вели во соопштението на модната куќа.
Армани, кој имаше 91 година, беше синоним за модерен италијански стил и елеганција. Тој ја комбинираше креативноста на дизајнер со остроумноста на бизнисмен, водејќи компанија која генерираше приход од околу 2,3 милијарди евра годишно.
Тој е роден на 11 јули 1934 година во Пјаченца, Италија. Студирал медицина во младоста, но по неколку години го напуштил универзитетот и се свртел кон модата. Работел како декоратер на излози во стоковната куќа „Ла Ринашенте“ во Милано, а подоцна и како дизајнер за „Нино Черути“.
Заедно со партнерот Серџо Галеоти, тој ја основал Armani SpA во 1975 година. Брзо станал познат по своите елегантни, минималистички кроеви и луксузни ткаенини. Особено се истакнал со своите машки костуми кои го редефинирале деловниот стил во 1980-тите.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
