Немири во Ирска: Најмалку 15 полицајци се повредени, куќи се запалени

Полициската служба на Северна Ирска (PSNI) одговори со употреба на водени топови и пукање гумени куршуми за да ја растера толпата, објавува „Гардијан“.

Немирите повторно се разгореа синоќа во областа Клонавон Терас, каде што се собраа стотици луѓе.

Демонстрантите фрлаа предмети кон полицајците, кои поставија барикади и се обидуваа да ја вратат контролата.

Полицијата ги предупреди жителите да ја избегнуваат областа. Во близина беше запален автомобил, прозорците беа скршени во неколку куќи, а четири куќи претрпеа штета од пожар.

Три лица беа евакуирани.

Петнаесет полицајци беа повредени, а две полициски возила беа оштетени.

29-годишен маж беше уапсен во понеделник и обвинет за насилно однесување, нарушување на јавниот ред и мир и обид за оштетување. Друго лице беше уапсено во вторник, додека трето лице беше ослободено без обвинение по испрашувањето.

Помошникот началник на полицијата, Рајан Хендерсон, изјави дека полициското присуство ќе биде зголемено во Балимена во наредните денови, а евентуално ќе бидат повикани дополнителни сили од Англија и Велс.

Властите и политичарите во Северна Ирска и Лондон го осудија насилството.

Министерката за правда, Наоми Лонг, изјави дека таквото нарушување „нема место во општеството“, додека министерот за здравство, Мајк Несбит, по посетата на оштетените домови, рече дека постојат легитимни начини да се изрази загриженост за имиграцијата, но дека настаните од синоќа не се еден од нив.

Насилството, наводно, следело по бдеењето за тинејџерка која наводно била сексуално нападната од две 14-годишни момчиња.

Тие се појавија на суд во понеделник.